एक पहाड़ी शेणी आपबीती

तुम जाहूं एडवेंचर कूछा , ऊ हम रोज़ करनू 

हम पहाड़ा शेणी , रोज ज्यान हाथ मी धरनू।  

बांज काटहु एक फांग मि चढ़ जानु , 

शौक ने यो हमर , मजबूरी छू , 

दोड़ मी गोर बाछ छीन , 

उनेर पेट लेह भरण छू।  

आसान नेह हो दाज्यू , यो पहाड़ा जीवन 

दिन रात मेहनत करण पडू , 

उकाव , भ्योह सब एक करण पडू ,

दुय रोटा खातिर सब करण पडु।  

हाथ मी दाथुल , कमर मी ज्योड़ 

राति निकल जानु , 

घाम तेज हूण हबे , 

पैली घर घटव पहुँचा दिनु।  

फिर घरेक काम ले भाइय , 

नान्तिना खान पीण , 

कपड़ लेह धौंण भाइय , 

आपुण लीजी रती भर टेम नि रून, 

भौनो बोज्यू दिनभर ताश खेलबेर ,

ब्याहु दारू पी बेर " कै करो त्यूल " कुनो भाइय।  

असोज जस मेरी ज़िन्दगी , 

जेठेक जस घाम हेगे , 

मी पहाड़ शेणी हो दाज्यू , 

जवानी मी बूढ़ी हेगे।