सीख

सब पाख में चढ़नी

तो आपुण धूरि मी नि चड़न चेन ,

आपुण चद्दर देख बेर ,

खुट फैलुन चेन। 

जमान बढ़ दिखावटी एगो ,

दुहौर कू देखबेर ,

आपुण रंग ढंग नि ,

बदौव चेन। 

मेस भौते बदल गी अब ,

उनौर बात सुणी बेर ,

आपुण  घरेक सुखचैन ,

नि बिगाड़न चेन।  

आपुण कर्म भौल करो ,

फिर के चिंता नेह ,

फलेक चिंता भगवान करौल ,

बढ़िया नीन उड़ चेन।

पाख - छत , धूरि - छत पर बनी चिमनी , बदौव - बदलना, दुहौर - दूसरे को , फैलुन - फैलाना , मेस - लोग , सुणी - सुनने , बिगाड़न – बिगाड़ना, भौल - अच्छे , करौल- करेगा , नीन - नींद

फूलदेई

घरबार आबाद रौ ,

देई बट्टी सुख और संपत्ति ओ ,

फूल चढूनी आज हम ,

पूर साल तुम्हौर बड़ी रो। 

आशीष हमकू ले दियो ,

दूब जस फैलो ,

आकाश जस विशाल ,

पर्वत जस ऊंच रो। 

तुम्हौर देई कू भेटने रो ,

गौव गाड़ म्योर हरी भरी रो ,

हम नानतिन खेलन रो ,

सबु कुशल मंगल है रो। 

गौव बूढ़ बाड़ी स्वस्थ रो ,

देश परदेश सब कुशल रो ,

हँसने रइया साल भर ,

के कष्ट नि ओ। 

कुमाउँनी होली - फौजियों के नाम

हो , हो , हो , हो !

घर बार छोड़ी , नानतिन पिछाड़ छोड़ी

बॉर्डर मी देशेक रक्षा लीजी राइफल थामी ,

म्यार देशेक फौजियों तुम्हौर गुण गानी। 

हो , हो , हो , हो

धर्म तुम्हौर देशेक रक्षा ,

कर्म तुम्हौर देशक रक्षा ,

दुश्मनो दीबे खार खानी ,

म्यार देशेक फौजियों तुम्हौर गुण गानी।

हो , हो , हो , हो !

ज्यान हथेली मी धरी ,

ह्यून -बरसात - गर्मी ,

सब मौसमो मी ठाड़ रूनी ,

म्यार देशेक फौजियों तुम्हौर गुण गानी।

हो , हो , हो , हो !

तुम्हौर वीरता देख्बैर दुश्मण कामनि ,

तेज देख्बैर सूरज शर्मानी ,

घरवाल तुम्हौर रोज राह देखनी ,

म्यार देशेक फौजियों तुम्हौर गुण गानी।

हो , हो , हो , हो !

फोटो साभार - गूगल