जे ले हौल , देखिनि रौल।

कै बाते चिंता , कै बातें फिक्र 

जो कर्म आपुण हाथ मी छीन , 

करते जाओ , बाकि 

जे ले हौल , देखिनि रौल।   

मेहनत करण मी नि घबराओ , 

बंजर स्यार मी हौ तो चलाओ , 

दौ पाणी चिंता तुम नि करो , 

जे ले हौल , देखि जाल।  

नान्तिनो कू तुम पढ़ाओ , 

भाल संस्कार उनकू दौ , 

बकाई उनैर किस्मत भई ,

जे ले हौल , देखिनि रौल।   

चिंता फिक्र ज्यादेक नि करो , 

तबियत आपुण नि बिगाड़ो , 

कर्मो फल जरूर मिलाल , 

जे ले हौल , देखिनि रौल।  

समयेक फेर चलते रुनी , 

कभते  घाम , कभते दौ लागि रूनी 

समयक दिगे कदमताल करि जाओ ,

जे ले हौल , देखिनि रौल।  

सुःख दुःख तो उने -जाने रौल , 

ठंड बाद गर्मी उने रौल , 

ज्यादेक चकबकाहट क्ये देखूण हरौ , 

जे ले हौल , देखिनि रौल।  

जे ले हौल , देखिनि रौल - जो होगा , देखा जायेगा 

दाज्यू , आपुण पहाड़ देख जाओ।

गर्मी एगे दाज्यू ,

अब ए जाओ पहाड़ ,

ठंडी हवा ,

ठंडो पाणी ,

खोल जाओ ,

आपुण घराक द्वार। 

गौव -गाढ़ भेट जाओ,

दव्याप्त आपुण पूज जाओ ,

काफो - हिसाव खे जाओ ,

नान्तिनुकू पहाड़ दिखे जाओ,

शहरो मी ताती जाला ,

यौ गर्मी पहाड़ काटी जाओ। 

गौव -गौव उजाड़ हेगी ,

ज्यादातर घरकु ताई लटक गी ,

खौव मी दूब जामगो ,

मंदिर मी दीय  जगाई म्हणो हेगो,

कुछ दिन ऐ जाओ ,

दाज्यू , आपुण पहाड़ देख जाओ।