गर्मी ऐगे दाज्यू , अब तो हिटो पहाड़

गर्मी ऐगे दाज्यू , अब तो हिटो पहाड़ 

देवदार बोठो शौ , बांझक जाडू ठंड पाणी 

प्लुम , खुमानी , काफो - खे जाओ , 

आओ , सब यो गर्मी मी , 

आपुण आपुण द्वार खोल जाओ।  

मैदार ठंड हाव चली रे , 

चाड पिटूंग करनी ची चीटाट,

राति ब्याऊ ठंड छू , 

स्वागत करनी यो पहाड़।  

गर्मी ऐगे दाज्यू , अब तो हिटो पहाड़ 

खोल जाओ अब आपुण आपुन घरेक द्वार 

द्याप्तो पूज कर जाओ , 

धर जाओ कराण , 

रक्षा कराल तुमार कुल द्यापत , 

आपुण बच्चो कू ले दिखाओ आपुण जड़ , 

आओ , ए जाओ यो गर्मी पहाड़।  

क्यापौक , क्याप हेगो ( कुमाउँनी व्यंग्य कविता )

क्याप , क्याप हेगो , 

सही छू हो महाराज , 

आजेक जमान मी भौल मैस हरेगो।  

संस्कार बदल गी , 

फैशन बदल गो , 

गौ गाड़ केकू भौल नी लागेन , 

सबु घर अब शहर मी हेगो।  

मोबाइल फोन अब सबु हाथ एगो , 

एक घरक भीतर आवाज नि दीन , 

व्हाट्सप्प मि " खाऊ आओ " मैसेज चमक गो।  

आपुण खेती बाँझ पड़ी गे , 

अनाज अब मौल हेगो , 

छा -दूध को पी अब , 

घर घर चाहा और कॉफ़ी सुराट हेगो। 

ठंड हाव , ठंड पाणी अब पुराणी बात हेगे , 

नौव सब सूख गी , बौठ डाऊ सब काटी गी ,

शेणी अब मिजात मी मगन छीन , 

मैस ताश और दारू दिगे मस्त छीन।  

क्याप , क्याप हे गो ,

पैदल को चलु अब , 

गाडियाक भुभाट हेगो,  

पहाड़ अब पैली जस नि रेगो।   

एक पहाड़ी शेणी आपबीती

तुम जाहूं एडवेंचर कूछा , ऊ हम रोज़ करनू 

हम पहाड़ा शेणी , रोज ज्यान हाथ मी धरनू।  

बांज काटहु एक फांग मि चढ़ जानु , 

शौक ने यो हमर , मजबूरी छू , 

दोड़ मी गोर बाछ छीन , 

उनेर पेट लेह भरण छू।  

आसान नेह हो दाज्यू , यो पहाड़ा जीवन 

दिन रात मेहनत करण पडू , 

उकाव , भ्योह सब एक करण पडू ,

दुय रोटा खातिर सब करण पडु।  

हाथ मी दाथुल , कमर मी ज्योड़ 

राति निकल जानु , 

घाम तेज हूण हबे , 

पैली घर घटव पहुँचा दिनु।  

फिर घरेक काम ले भाइय , 

नान्तिना खान पीण , 

कपड़ लेह धौंण भाइय , 

आपुण लीजी रती भर टेम नि रून, 

भौनो बोज्यू दिनभर ताश खेलबेर ,

ब्याहु दारू पी बेर " कै करो त्यूल " कुनो भाइय।  

असोज जस मेरी ज़िन्दगी , 

जेठेक जस घाम हेगे , 

मी पहाड़ शेणी हो दाज्यू , 

जवानी मी बूढ़ी हेगे।