नई साल मुबारक ह जो

ओ दाज्यू , ओ भुला, ओ बेणी , ओ कका

पुराण साल लहगो, नयी साल एगो।

जी रैया , जाग रैया ,

नयी साल मी खूब खुश रैया ,

जस ले छी ,

पुराण साल लहगो ,

एगो नयी साल अब ,

आपुण लोगो कू भेंट न रैया।

बाल गोपाल सब भल है रैया ,

आपुण घरो ठुलो तुम ख्याल धरिया ,

गोठ बट्टी भेतर तक ,

खूब फलिया -फूलिया।

ओ दाज्यू , ओ भुला, ओ बेणी , ओ कका

पुराण साल लहगो, नयी साल एगो।

डबलू बरसात है जो ,

घर तुम्हेर लैंटर वाल हेजो ,

भकार तुम्हार अन्न भरी जो ,

सबु तबियत ठीक है जो।

गोल्ज्यू आशीष है रो ,

बढ़ बट्टी बान तक हरिये रो ,

तुम्हर मुख में हमेशा ,ख़ुशी  रे जो,
नानतिन तुम्हार खूब होशियार हे जो। 

ओ दाज्यू , ओ भुला, ओ बेणी , ओ कका

पुराण साल लहगो, नयी साल एगो।