भौते जाड़

ह्यू पड़ गो डाना-काना ,

सफ़ेद चद्दर जस बिछी गो , 

ग्वोर बाछ अरणी गी , 

यस ह्यून कू बजर पड़ी जो।  

आगेक मुत्थि बैठण भौल लागि गो ,

बूढ़ बाड़ियाक बाई पीड़ फिर जाग गो , 

अड़कसे हेगो यौ फेरा दाज्यू , 

रम पी बेर ले ठंड लागि गो।  

पाणी कलकलाट हेगो , 

सूखी लकाड़ोक धुआँठ हेगो ,

आण - काथ निमड़ गी अब, 

अब तो जा ठण्डा , फागुन एगो।   

( ह्यु - बर्फ , अरणी - ठंडा पड़ना , आण - काथ- पहेलियाँ , कहानी ; लकाड़ोक- लकड़ियां ; निमड़- ख़त्म होना )