ह्यून एगो

ह्यून एगो पहाड़ो मी , 

राति ब्याव जाड़ , 

हाथ खुटा अकड़ गी ,

जल्दी जलाओ आग।  

रजे -कंबल निकालो अब , 

ऊनी कपड़ोल ढको तन , 

बूढ़ बाड़िया ध्यान धरो , 

"बाई बात " नि हो केकू दर्द।  

नानतिन अब नानतिनेन भाय , 

उनको केहू जाड़ , 

धिरक धिरक बेर इत्था उत्था , 

शरीर कर रूनी आपुण गर्म।  

घाम मी बैठ बेर , 

फसक मारणि  दिन ,  

ह्यून एगो पहाड़ो मी , 

बनेन बुननि दिन।  

भौते ठंड हूँ हो पहाड़ो मी , 

करिया आपुण आपुण जतन , 

प्रार्थना छू सब दाज्युओं ,

कम पिया हो रम।