एक जमान छी हो

एक जमान उले हुछि , 

द्वारो मी म्योर गौंव वाल ताई नी लगुछी  , 

गौंव मी एकेक पीड़ , 

सब गौंव वालू पीड़ हुछि।  

मिल जुल बेर सब काम हुछि , 

बूढ़ बाड़िया खूब पूछ हुछि ,

नानतिन सब दगडे खेलछि , 

राती बटे ब्याव गौंव आबाद रुछि।  

नौव पाणी हुछि , 

बांजाक बूझाणि हुछि , 

जंगओ मी काफल और बमौर पाकछि,

पूरा गौंव एक धात मी इकट्ठ हुछि।  

साग -पाताक ऐच पेच हुछि ,

एक घरेक धिनाय सबु चाह रंगुछि,

गौव  स्याणु दीबे सब डरछी ,

पूरा गौव एक परिवार बड़ बेर रुछि।   

बखत बदलौ , सब बदेई गो 

म्योर गौव ले अब संस्कार भूल गो , 

तलिहु जाणे दौड़ लागी रै , 

येक चक्कर मी अब म्योर गौव हरेगो।  

कुमाउँनी शब्द और हिंदी अर्थ 

( जमान - समय , ताई - ताला , एकेक - एक की , पीड़ - दुःख दर्द , बूढ़ बाड़िया- बुजुर्ग , ब्याव - साँझ , धात - आवाज , एच पेच -लेन देन , धिनाय - दूध दही , स्याणु - बुजुर्ग , बखत - समय , बदेई- बदलना , तलिहु - मैदानी भाग , हरेगो - खोना, काफल और बमौर- स्थानीय फल  )