ईजा

इजेक फिक्र कभे कम नि हून ,

नानतिन ठुल ले हेगया ,

देश या परदेस ,

लाढ़ कभे कम नि हून।

आपुण पेट काट बेर ,

नानतिन पाई भायी ,

नजर नि लागो केकी ,

कदूक जतन करि भायी। 

आईले , ईज दिन रात प्रार्थना करुँ

नानतिन जाले रौ ,

हँसी ख़ुशी रौ ,

दुःख उनौर नजदीक नी ओ। 

इजोक दिल कभे झन दुखाया ,

वी हभे ठुल पाप के नेह ,

भगवानोक अवतार छू ऊ ,

ईज हभे क्वो ठुल नेह। 

कुमाउँनी शब्द और उनके हिंदी अर्थ

( नेह - नहीं , ईजा - माता जी , नानतिन - बच्चे , क्वो- कोई , लाढ़ - प्यार और स्नेह , कभे - कभी भी , ठुल - बड़ा  , उनौर- उनके, कदूक- बहुत )