उत्तराखंड मी अब डबल इंजन सरकार एगे ,
विकासेक उम्मीद जाग गे ,
करिया हो महाराज विकास यो फेरा ,
आपणे भकार झन भरिया।
जोगी रा सारा रा रा ।
पहाड़ो में अजीब रिवाज हेगो
नानतिन सब तलहुँ लह गी ,
बुड -बाडिया राज एगो।
जोगी रा सारा रा रा ।
हरदा आभो आपुण विकास देखउ ,
गाँव गाँव घुमनी ,
हालत देख बे अब ,
आपुण मुनेय लुकुनि।
जोगी रा सारा रा रा ।
पहाड़ो मी एडकेसे हेगो ,
सब तलहुँ लेगी , जो बच री ,
सब नेता बड़ गी।
जोगी रा सारा रा रा ।
खेती पाती बंजर पड़ी गे ,
गोठे धिनाइ ले मोल हेगे ,
दारू और ताश - बस पहाड़ो में ये काम रेगो।
जोगी रा सारा रा रा ।
ब्यार चश्म पेर बे शॉपिंग लेह गे ,
बूढ़ी नाति पोता दिगे व्यस्त हेगे ,
ब्याऊ खाऊ बाजार बट्टी ,
मोमोज़ लएगे।
जोगी रा सारा रा रा ।
No comments:
Post a Comment