कसी भूलू आपुण पहाड़ो कू

कसी भूलू आपुण पहाड़ो कू ,

ऊ ठंड ठंड हाव ,

ऊ नौव पाणी ,

ऊ ताल माल बखाई ,

ऊ गोलज्यू थान ,

ऊ ऊँच नीच बाट ,

ऊ पन दा चाहेक दूकान ,

ऊ काकड़ेक झाल ,

ऊ मड़ुआ रवाट,

ऊ काफ़लेक स्वाद ,

ऊ आम्म बुबु फसक ,

ऊ धार मी घाम ,

ऊ बाँजेक बुझाणि स्योव ,

बता दी भुला ,

कसी भूलू आपुण पहाड़ो कू। 

ऊ दमुआ और निशाण ,

ऊ झोड़ा चाँचरी ,

ऊ छोलिया नृत्य ,

ऊ बीन बाजोक तान ,

ऊ जागर मी हुड़केक थाप ,

ऊ पत्तल मी आलू गोभी साग ,

ऊ एच पेच ,

बता दी भुला ,

कसी भूलू आपुण पहाड़ो कू।